Afrika se behoefte aan pype om nuwe energieverbindings te bou, sal byne verdubbel, meen Rusland se grootste vervaardiger van staalpype vir dié sektor, TMK.
Die leier in dié toename sal Algerië wees, het Dmitry Chernichenko van TMK by ’n Afrika-energiekonferensie gesê. Hy meen sowat 7 756 km staalpype sal in 2009-2010 gebruik word, in vergelyking met die 3 446 km in 2007-2008.
Chernichenko sê TMK is gretig om sy voetspoor in Afrika te vergroot, wat tans 7% van sy projekte uitmaak.
