‘n Amerikaanse vrou wat van rekenaarbedrog aangekla is en betrokke was by ‘n internetkullery wat na die dood van ‘n 13-jarige meisie gelei het, is Donderdag deur ‘n federale regter tydelik vrygespreek.
Die 50-jarige Lori Drew het gehelp om ‘n denkbeeldige seun op MySpace te skep. Die fiktiewe karakter het vriende geword met Megan Meier, en informasie oor haar aan-en-af vriendskap met Drew se dogter uit haar gekry.
Meier, wat vir depressie behandel is, het haarself in 2006 opgehang nadat die fiktiewe vriend haar gelos het, en aan haar gesê het “die wêreld sal ‘n beter plek wees sonder jou”.
