Barry Tannenbaum het erken dat hy dokumente vervals het om die Qatarse eiendomsagentskap, Barwa Real Estate, om die bos te lei, het ’n bron Donderdag gesê.
Volgens die bron het Tannenbaum dié bekentenis in ’n beëdigde verklaring gemaak wat Barwa in 'n Britse hof ingedien het as deel van ’n aansoek om Dean Rees se bates te vries.
Rees is een van die Johannesburgse prokureurs wat beleggers vir Tannenbaum se Ponzi-skema gewerf het. In die proses het hy glo miljoene rande gemaak.
