Die wapenvervaardiger Denel gaan “herbelyn” word en sal weer onder die weermag resorteer, het die minster van verdediging, Lindiwe Sisulu, Vrydag tydens haar begrotingstoespraak aan die Nasionale Vergadering gesê.
Sisulu sê sy het reeds die saak met die minister van openbare ondernemings, Barbara Hogan, bespreek.
Daar moet “onmiddellik begin word met ’n strategiese herbelyning van Denel”, en die hele verdedigingsbedryf moet deeglik ondersoek word. Dit sal beide Armscor en Denel insluit, want nie een van die twee kan op uitnemende prestasie roem nie, het sy gesê.
