Die ooreenkoms van die wêreld se tweede grootste biervervaardiger, SABMiller, wat 10%van sy aandele in SA aan swart beleggers gaan verkoop, sal waarskynlik in die tweede helfte van die finansiële jaar, wat op 1 April 2010 begin, van stapel gestuur word.
Die brouery het vroeër gesê só ‘n ooreenkoms sal sowat R5.8 miljard beloop en is in lyn met die land se swart bemagtigingsaksie. Die koste van die ooreenkoms vir die brouer van Miller Lite, Peroni en Castle biere sal sowat $220m beloop.
