Massmart hoop om ’n beplande staking te keer ná samesprekings tussen Makro en die unie, Saccawu, tot ’n stilstand gekom het.
Massmart se Brian Leroni sê daar is “prosesse onderweg” tussen die unie en die afdelings-bedingingseenhede. “Ons het R460 aangebied, dis 8.5%, en dis nie aanvaar nie.” Saccawu-woordvoerder Mike Abrahams het bevestig dat die unie mag staak weens lone en werksomstandighede.
Intussen is onderhandelings tussen Saccawu en Game ook gestaak en volgens Leroni is die volgende stap om die Bedingingskommissie te nader.
