Die Duitse kansellier, Angela Merkel, het Vrydag gewaarsku dat regerings sterk weerstand sal bied teen enige pogings deur banke om die hervorming van finansiële regulasies af te water.
Sy het gesê dié taktiek sal nie in Amerika óf in die EU werk nie. Finansiële markte in Europa – wat Brittanje insluit – sal voortaan omsigtig gemonitor word.
Merkel het ook gesê sy sal haar beywer vir volhoubare ekonomiese ontwikkeling by ’n vergadering van die Groep van Agt (G8) nywerheidslande wat binnekort in Italië gehou word.
