Siviele konstruksievertroue het in die tweede kwartaal van 2009 gedaal, het Eerste Nasionale Bank Maandag gesê.
Die ENB Indeks vir Siviele Konstruksievertroue, wat deur die Buro vir Ekonomiese Navorsing saamgestel word, het van ’n indekswaarde van 60 in die eerste kwartaal van 2009 gedaal tot 48 in die tweede kwartaal.
Die groei in konstruksiebedrywighede in die tweede kwartaal was veral teleurstellend. Dit moet egter gesien word teen die agtergrond van die skerp daling in privatesektor-belegging, veral in die mynbou-, vervaardigings- en eiendomsontwikkelingsbedrywe, het FNB gesê.
