‘n Analis van RMB, John Cairns, sê die tweede kwartaal van vanjaar was tot dusver die beste kwartaal vir wêreldwye effekte in meer as twee dekades, en ook die beste ooit vir die rand.
Hy het kommentaar gelewer nadat die rand in vroeë verhandeling Woensdag sterk vertoon het en teen R7.7065 teenoor die dollar verhandel het. Dit het teen R10.8333 teenoor die euro verhandel en R12.6590 teenoor die pond.
