Sakevertroue in Junie was positief, het die Suid-Afrikaanse Kamer van Handel en Nywerheid (SAKHN) Maandag gesê.
SAKHN se Sakevertroue-indeks (SVI) het met 1,3 punte gestyg tot 83,1 in Junie 2009, wat 4,2 punte hoër was as die laagtepunt van 78,9 in Maart 2009.
Volgens SAKHN dui die jongse ekonomiese data en bewegings in die finansiële mark daarop dat die sakeklimaat aan die stabiliseer is, alhoewel ondernemings en verbruikers steeds onseker en huiwerig voorkom.
