Die Deense vloot sê twee vragskepe het tussen Denemarke en die suide van Swede gebots.
Volgens die vloot se woordvoerder, Pernille Kroer, was die Maltese vragskip, die Captain Lus, besig om uit die Baltiese See na die hawe te vaar.
Kroer sê die Captain Lus het met die Noorweegse tenker, Sundstraum, gebots. Dié skip het met ’n vrag metanol in ’n suidwaartse rigting gevaar .
Die botsing het suid van Kopenhagen naby Taarnby gebeur. Niemand is beseer nie en daar is ook geen berigte van oliebesoedeling nie.
