AngloGold Ashanti, Gold Fields en Rand Uranium het hul loonverhogingsaanbod tot 9% vir intreevlak-werknemers en 8% vir ander werknemers verhoog.
Die Kamer van Mynwese het in ’n verklaring gesê die toename kom bykomend tot ander aanbiedinge met beduidende koste-implikasies, insluitend ’n toename in die minimum toelae vir buiteverblyf tot ’n minimum van R1 300 per maand vir vanjaar en ’n verdere R100 vir 2010.
Harmony God het ’n aparte pakketaanbod aan die unies gemaak, wat ’n bonus gekoppel aan die prestasie van die goudprys insluit.
