Anglo American oorweeg dit om ’n vennoot te kry vir sy reuse ysterertsprojek in Brasilië.
Dié besluit is egter nie om homself teen sy mededinger, Xstrata, te verdedig nie, sê bronne wat insae in die situasie het. Anglo het verlede week 'n samesmeltingsaanbod van Xstrata van die hand gewys.
Volgens nuusberigte oor die naweek was Anglo besig om ’n verdedigingstrategie uit te werk deur deel van die Minas-Rio-projek te verkoop.
Anglo het gesê hulle lewer nie op mediaspekulasie kommentaar nie.
