Afrika se grootste selfoonoperateur, die MTN Groep, se direkteur van finansies, Rob Nisbet, het bedank. Dit het kommer laat ontstaan dat hy dalk nie ten gunste was van ’n beplande samesmelting met Indië se Bharti Airtel nie.
Om 13:40 het MTN-aandele teen 0,3% laer verhandel op R119,51, wat swakker was as die stewiger JSE Top-40-indeks van prima aandele.
Nisbet sal tot einde September as ’n uitvoerende direkteur aanbly en ook deel wees van die span wat die Bharti-Airtel-transaksie struktureer. Op 1 Oktober sal hy vervang word deur Nazir Patel.
