Brittanje se Woolworths, wat ‘n honderd jaar oud is, het Donderdag as ‘n aanlynwinkel die lig gesien, nadat dit ses maande gelede bankrot verklaar is.
Die nuwe eienaar van hierdie bekende handelsmerk, Shop Direct, het na bewering tussen £5 en £10 miljoen (R105 en R210 miljoen) betaal vir die oorname van die handelsmerk.
Die nuwe webtuiste maak gebruik van die winkelgroep se kenmerkende rooi kleur, en verkoop alles van lekkergoed, CD’s tot speelgoed.
