Die National Union of Metalworkers of SA (Numsa) oorweeg steeds massa-aksie om druk op die Reserwebank uit te oefen om rentekoerse te verlaag. Dit ten spyte van ’n vergadering Donderdag tussen die vakbond en president van die Reserwebank, Tito Mboweni.
Mboweni het die ontmoeting as konstruktief en positief beskryf, maar Numsa sê hulle kon nog nie ’n afleiding maak nie, omdat die gesprek in Julie voortgesit sal word.
Numsa se president, Cedric Gina, sê hulle verwag dat die rentekoers volgende week met 2% verlaag sal word.
