Die minister van arbeid, Membathisi Mdladlana, het Vrydag beloof om werkloosheidsvoordele te verhoog. Die tydperk waarvoor werklose mense betalings kan ontvang, gaan ook verleng word van agt maande tot ’n jaar.
Volgens Mdladlana het die uitbetaling van werkloosheidsvoordele in 2008 met 31,7% toegeneem - "’n duidelike bewys van die impak van die huidige ekonomiese krisis” op Suid-Afrika.
In die laaste kwartaal van 2008 en die eerste kwartaal van 2009 het 200 000 mense hul werk verloor.
