Die Fifa-president, Sepp Blatter, het Maandag die organiseerders van die Konfederasiebeker gekritiseer daaroor dat daar so min toeskouers was by die wedstryd tussen Spanje en Nieu-Seeland by die Royal Bafokeng-stadion in Phokeng Sondagaand.
Die stadion was maar halfvol, ten spyte daarvan dat dit die wêreld se top sokkerspan was en die openingswedstryd by die nuwe stadion.
Blatter het gevoel mense moes soontoe gebring word, dat die kinders deel van die openingsseremonie daar kon gesit het en dat meer moeite gedoen moes word om die kaartjies te verkoop of selfs weg te gee vir dié wat dit nie kan bekostig nie.
