Volgens die uitvoerende hoof van die Gauteng Jeugkamer van Koophandel en Nywerheid, Isaac Moroeng, is entrepreneurs se groot struikelblok nie befondsing nie, maar eerder toegang tot informasie.
Volgens Moroeng wil die kamer ‘n portaal vir besigheidsinformasie word wat die ontwikkeling van klein ondernemings wat deur jong mense begin word, kan ondersteun.
Hy het Woensdag ‘n toespraak gelewer by die opening van die Gautengse Klein-, Medium- en Mikro-ondernemingsgeleenthede Ekspo wat in Sandton, Johannesburg plaasvind.
