In die volgende twee jaar gaan die krisis in die wêreldekonomie baie erger wees as die ekonomiese afswaai wat ons tans beleef, sê die Amerikaanse voorspeller, Harry S. Dent.
Dent het Japan se resessie in die 1990’s en die huidige insinking voorspel. Hy sê stellings dat die ergste verby is en dat daar “groen sprietjies” begin opduik, is nonsens.
Volgens hom sal verbruikers wat besnoei, aandele- en eiendomspryse in ’n afwaartse spiraal indwing wat die huidige beermarkherstel heeltemal sal oorskadu.
