Prokureurs wat beleggers in die Ponzi-tipe skema verteenwoordig wat deur Barry Tannenbaum bedryf is, gaan nou probeer beslag lê op sy Australiese bates.
Hulle probeer erkenning kry in Australië vir die sekwestrasiebevel wat in Suid-Afrika toegestaan is, waarmee hulle sy boedel in Australië ook wil sekwestreer.
Hulle is taamlik seker daarvan dat Tannenbaum hierdie regsaksies sal teëstaan. ‘n Regskenner het gesê daar is genoeg bewyse dat meeste van Tannenbaum se bates oorsee lê.
