Transnet sê sy plan om die spoorafdeling se steenkoollyn op te gradeer, is 12 maande agter skedule weens die laat aflewering van nuwe lokomotiewe. Transnet-hoof Chris Wells sê die vertraging sal minimale impak hê op die vervoer van uitvoer-steenkool na die hawe, aangesien produsente kleiner volumes vervoer weens die ekonomiese afswaai.
“Ons het die kapasiteit om sowat 70 miljoen ton af te lewer.”
Hy sê Transnet beplan steeds om 80.5 miljard te spandeer aan die opgradeer van sy infrastruktuur, maar dat sommige kleiner projekte uitfaseer mag word.
