Die beleërde jong goudmynmaatskappy, Pamodzi Gold, het Vrydag in ’n verklaring aan die JSE gesê sy direkteure gaan voort met hul fondswerwingspogings sodat hulle die maatskappy kan herkapitaliseer.
Aandeelhouers sal op hoogte gehou word van enige wesenlike verwikkelinge.
Pamodzi Gold sukkel al ’n jaar lank om genoeg kapitaal te kry om sy myne te herkapitaliseer en weer winsgewend te maak. Drie van sy vier goudmyne is onder voorlopige likwidasie geplaas.
