Ondersteuners van die Britse en Ierse Leeus het amper R40 miljoen uitgegee in Durban laas naweek ten tye van die eerste toets teen die Springbokke.
Die geld is uitgegee op akkommodasie, kos, drank en reis en het ‘n lekker hupstoot vir die stad se toerismebedryf beteken – al was Kingspark nie uitverkoop nie.
Pretoria sien alreeds uit na die naweek se tweede toets, en berigte sê dat Britse ondersteuners reeds op die hoofstad toesak. Sommige gastehuise het gesê hulle is al volbespreek vir die naweek se rugby ses maande gelede.
