Statistiek SA het Dinsdag laat blyk dat bykans 180 000 poste verloor is weens die ekonomiese insinking tussen Januarie en Maart vanjaar.
Mike Schussler, die hoof ekonoom by Economists.co.za het gesê dit was ‘n “bloedbad” in die privaatsektor.
Dit laat ook twyfel ontstaan oor of die amptelike werkloosheidssyfer, wat tans op 23.5% staan, nie dalk hoër is nie. Die meeste werksverliese was in die konstruksiebedryf.
