Volgens die konsultantgroep Grant Thornton se jaarlikse internasionale sake-opname, glo 63% van besighede in private besit dat swart ekonomiese bemagtiging (SEB) belangrik is om nuwe besigheid te kry. Dit is 4% meer as die vorige jaar se syfer van 59%.
’n Sektorontleding toon dat 71% van die konstruksiebedryf, 68% van die dienstebedryf en 63% van die vervaardigingsbedryf glo dat SEB tot nuwe besigheid bygedra het. In die kleinhandelbedryf was dié syfer egter slegs 47%, in vergelyking met 53% in 2008.
