Toyota het in een maand 180 000 bestellings vir die nuwe Prius uit Japan gekry. Dit is ver bo die maatskappy se verkoopsteiken van 10 000 voertuie per maand.
Die derde-generasie Prius, wat ’n maand gelede bekend gestel is, is reeds baie gewild in Japan, deels danksy belastingaftrekkings en nuwe staatsaansporings om groei tydens die ekonomiese afswaai te stimuleer.
Die Prius was die topverkoper in Japan in Mei, en het Honda se nuwe hibridiese motor, die Insight, vir die eerste keer uitgestof.
