Ses buitelandse banke beplan om op te hou besigheid doen in Suid-Afrika nadat die wêreldwye finansiële krisis hulle gedwing het om hul strategie te heroorweeg, beweer ‘n studie deur PricewaterhouseCoopers.
Dit sou massiewe werksverliese beteken.
Bankkenner Tom Winterboer het gesê dit lyk asof die banke vertroue verloor in Suid-Afrika en liewer hul geld elders wil neem. “Dit is nie goed vir die land en ons ekonomie nie.”
Commerzbank, Dresdner Bank en die Suid-Afrikaanse Bank van Athene is glo van die maatskappye wat beplan om SA te verlaat.
