Ekonome het Vrydag die Reserwebankhoof, Tito Mboweni, se uitlatings ondersteun dat swakhede in die ekonomie inflasie hoog hou.
Hulle het gesê monopolië in die private en openbare sektore was deel van die probleem maar het ‘n reeks ander faktore identifiseer wat ook inflasie hoog hou.
Mike Schussler, ‘n ekonoom by Economists.co.za het gesê, “Baie sektore binne die ekonomie is baie gekonsentreerd. Daarmee bedoel ek dat ‘n handjievol maatskappye meer as 50% van die markaandeel beslaan en hulle het die vermoë om die mark te beïnvloed.
