Khaki Motor Holdings, ’n nuwe motorgroep, het ’n reeks driewiel toek-toek-voertuie plaaslik bekend gestel. Die toek-toek-voertuie word tans uit China ingevoer, maar Khaki beoog om hulle uiteindelik plaaslik te bou.
Blackie Swart, Khaki, se besturende direkteur, het Vrydag gesê hulle het reeds 50 eenhede verkoop, maar verwag om in die kort termyn tot 400 eenhede per maand te verkoop.
Khaki se modelle sluit o.a. ’n oopdeur-motor (R45 000), ’n 1-ton bakkie (R53 000) en ’n elektriese fiets (R5 999) in. Die voertuie word deur ’n petrolenjin aangedryf en het ’n topspoed van 70km/h.
