’n Staking dreig in die mynbousektor.
Die NUM (Nasionale Unie vir Mynwerkers) en die Kamer van Mynwese se goudafdeling het ’n dooiepunt bereik, het Lesiba Seshoka van die NUM Donderdag gesê.
Die Kamer het ’n loonverhoging van 7% aangebied teenoor die 15% wat NUM eis. Die dooiepunt sal nou deur die CCMA (die Kommissie vir Konsiliasie, Mediasie en Arbitrasie), opgelos moet word.
NUM se algemene sekretaris, Frans Baleni, het gesê om te staak is altyd die laaste uitweg, "maar vanjaar is dit onvermydelik". Sowat 150 000 mynwerkers kan aan die staking deelneem.
