Die minister van finansies, Pravin Gordhan, het Vrydag aangekondig dat ‘n taakspan saamgestel is om “modelle te ondersoek wat die publieke en private vennootskappe in die gesondheidsektor sal bevorder”.
Hy het ook gesê dat daar klem gelê sal word op die finansiering van gesondheidsdienste.
Volgens Gordhan staar die land “ontsettende uitdagings in die gesig, nie slegs weens MIV en tuberkulose nie, maar ook omdat “moderne gesondheidsdienste duur en kompleks is”.
