Die grootbase van General Motors en Chrysler het Vrydag in die Amerikaanse Kongres gesê die toemaak van honderde motorhandelaars is pynlike stappe wat nodig is om die maatskappye reg te ruk.
Die uitvoerende hoof van General Motors , Fritz Henderson, het gesê die stappe was noodsaaklik sodat ten minste 200 000 werke by ander motorhandelaars gered kon word.
"Om deur bankrotskap te gaan was nie ons keuse nie," het Chrysler se vise-uitvoerende hoof Jim Press gesê.
