'n Kurator sal binnekort aangestel word oor die Suid-Afrikaanse eiendom van Barry Tannenbaum.
Die Suid-Afrikaanse sakeman, wat in Australië woon, word daarvan beskuldig dat hy honderde beleggers ingedoen het in waarskynlik die grootste piramideskema wat nog in Suid-Afrika bedryf is.
Die aansoek is Vrydag deur die Hooggeregshof in Johannesburg goedgekeur, het 'n advokaat vir een van die beleggers gesê.
Volgens berigte het Tannenbaum beleggers ’n jaarlikse opbrengs van 200% belowe, gekoppel aan die invoere van farmaseutiese produkte. Tannenbaum het enige skuld ontken en die ekonomiese krisis geblameer vir sy maatskappy se moeilikheid.
