Die SA ekonomie sukkel en daar is nie juis tekens dat die situasie in die onmiddellike toekoms gaan verbeter nie, aldus BoE Private Clients.
Donker wolke hang oor die ekonomie, sê ekonoom Mike Schlüssler, brein agter die maandelikse BoE Private Clients barometerprojek, wat gewys het dat die skerp afwaartse neiging van die afgelope paar maande in April voortgeduur het.
Die barometers meet besigheidsaktiwiteitsvlakke in Gauteng (14.6% af), die Wes-Kaap (7.4% af), Oos-Kaap (17.1% af) en Vrystaat (7.8% af) en het uitgelig dat die Oos-Kaapse ekonomie in groter moeilikheid is as dié in ander provinsies.
