Die Nasionale Landboubemarkingsraad het die Kompetisiekommissie gevra om SA se grootste supermarkgroepe te ondersoek vir moontlike aanblaas van verbruikerspryse en gewaarsku dat hul voortgesette dominering die ekonomie kan seermaak.
Die raad se verslag het onder meer gesê daar is ’n onverklaarde gaping tussen produsente- en rakpryse. Handelsunies het kleinhandelaars al herhaaldelik gekritiseer omdat hulle nie pryse sny in ooreenstemming met die dalende petrol- en ander pryse nie. Solidariteit het in April gesê kospryse by Pick n Pay, Shoprite/Checkers en Spar het in die voorafgaande vier maande met tussen 8.1 en 3.1% gestyg.
Die kleinhandelaars sê hulle verwelkom ’n ondersoek van die kommissie.
