Voormalige hoofde van Pick n Pay, Sean Summers, en OK Bazaars, Mervyn Serebro, is van die honderde beleggers wat uit sowat R10 miljard gekul is in ’n massiewe piramide-skema.
Daar word beweer dat Barry Tannenbaum, seun van Harold Tannenbaum, stigter van farmaseutiese maatskappy Adcock Ingram, saam met Johannesburgse prokureurs Dean Rees en Daryl Leigh, ’n piramideskema bedryf het wat beleggers tussen 15 en 20% opbrengs in drie maande belowe het.
Die geld sou glo gebruik word om chemikalieë in te voer wat onder meer gebruik sou word om antiretrovirale middels te vervaardig. Rees en Tannenbaum ontken dat hulle enigiets verkeerd gedoen het.
