Die Bedryfontwikkelingskorporasie (IDC) sal sy betalings met sowat 30% verhoog in hierdie finansiële jaar om nuwe besighede en sukkelende maatskappye te help, aldus IDC-hoof Geoffrey Qhena.
Qhena sê die bedrag wat hulle aan firmas leen sal van sowat R8.5 miljard in die vorige jaar verhoog tot R11 miljard vanjaar, waarvan R8 miljard aan nuwe en R3 miljard aan sukkelende besighede sal gaan. Versoeke om hulp kom veral uit die myn-, motor-, klere- en tekstielbedrywe, sowel as bosboumaatskappye.
Hy sê sukkelende maatskappye het sowat R12 miljard nodig – “vier keer meer” as die IDC se begroting vir hulppakkette.
