Kunswerke deur kunstenaars soos Andy Warhol gaan vanjaar teen minder verkoop by die Art Basel-kunsfees in Switserland omdat kunshandelaars die grootste markinsinking sedert 1991 die hoof moet bied.
Altesaam 300 internasionale kunsgalerye neem deel en stel werke deur 2 500 kunstenaars ten toon. Minder kopers word verwag, en die gevoel is dat almal op soek is na ’n winskopie.
Christie's International en Sotheby's se veilings in New York verlede maand het ’n daling van onderskeidelik 72% en 87% getoon.
