Die Suid-Afrikaanse sakeman, Barry Tannenbaum, wat van die land se grootste korporatiewe bedrogspul verdink word, het beleggers glo ’n jaarlikse opbrengs 200% belowe, gekoppel aan die invoere van farmaseutiese produkte.
Tannenbaum het bestellings vir o.a. antiretrovirale middels van Aspen, Afrika se grootste vervaardiger van generiese medisyne, vervals om die beleggers die indruk te gee dat fondse sal inkom.
Adcock Ingram en Aspen sê egter hulle het net klein hoeveelhede voorraad van Tannenbaum se maatskappye, Frankel International en Frankel Chemical Corporation, gekoop.
