Die Mededingingskommissie, wat verlede jaar banke aangespreek het omdat hulle kliënte so baie vir banktransaksies laat betaal, sê hulle sal stappe neem as daar gevind word die vier grootste banke werk saam. Dit volg op berigte dat die vier – Standard Bank, Absa, First National en Nedbank - hul maandelikse bankkoste op huislenings met tot 500% verhoog het en dit terwyl baie mense met ‘n groot skuldlas en hoë lewenskoste sukkel.
Die berigte lui terselfdertyd dat analiste voorspel dat banke miskien meer huiwerig sal word om nuwe huislenings toe te staan.
