Suid-Afrika se president, Kgalema Motlanthe, het aangekondig dat 22 April ’n openbare vakansiedag sal wees sodat mense kan gaan stem.
Verkiesingsdag is gewoonlik ’n openbare vakansiedag.
Daar is alom gehoop dat dit ’n normale werksdag sou wees omdat daar reeds soveel vakansiedae in en om April is – Goeie Vrydag, Paasmaandag en Werkersdag op 1 Mei.
President Motlanthe het die aankondiging ingevolge artikel 2A van die Wet op Openbare Vakansiedae (Wet no. 36 van 1994) gedoen.
