Seeff Eiendomme het Donderdag gesê dat die toename in navrae oor plaaslike eiendom wys dat Suid-Afrikaners oorsee begin huistoe kom weens die internasionale ekonomiese insinking.
Algemene bestuurder Emarie Campbell het gesê hulle sien dit in die soort navrae wat op hulle webwerf gemaak word, asook deur uitgewekenes wat ses maande gelede hul stalletjie besoek het tydens die Homecoming Revolution se skou in Londen.
