Jou reputasie is jou belangrikste bate, indien jy iewers wil kom in die besigheidswêreld.
Volgens Natalie Rabson van Boston Stadskampus en Besigheidskool, is die onlangse skandale waarby Schabir Shaik en Joost van der Westhuizen onderskeidelik betrek is, tekenend hiervan.
Sy beklemtoon dat mens ten alle tye jou goeie naam moet beskerm, en seker maak dat jou gedrag eties is.
“Ons is onder die indruk dat dit slegs bekendes is wat oor hul reputasies bekommerd moet wees. Die realiteit is dat ‘n slegte reputasie ook in die werksplek jou ondergang kan beteken,” sê sy.
