Sommige ekonome het die Reserwebank gekritiseer wat té min té laat doen. Nadat ekonome knaend vir ‘n verlaging in die bank se repokoers gevra het, het die bank president, Tito Mboweni aangekondig dat die monetêrebeleidskomittee Maandag en Dinsdag sal vergadering om oor die rentekoers te besluit. Dié vergadering sou oorspronklik op 15 en 16 April gehou word.
‘n Ekonoom van Brait, Colen Garrow, sê die stadige reaksie van die Reserwebank kon moontlik die delikate balans tussen resessie en herstel versteur het. Die meeste ekonome verwag die rentekoers gaan volgende week met minstens een persentasiepunt verlaag word.
