Banke bly huiwerig om geld uit te leen en dit beïnvloed nuwemotorverkope. Vergeleke met verlede jaar, het die verkoop van nuwe motors met 36% gedaal.
Banke finansier kliënte wat motors wil koop, asook handelaars se oortrokke rekeninge en vloerplanfasiliteite.
As banke eers besluit het dat ’n handelaar ’n té groot risiko inhou, hersien hulle gou die finansieringsfasiliteite en gee die handelaar kennis dat die finansiering onttrek gaan word.
Hulle stuur dan ’n taakspan om te kyk of die handelaar ’n wins maak en sy skuldverpligtinge kan nakom.
