Die koste van blikkies kan volgende maand met tussen 35 en 40% styg nadat ArcelorMittal Suid-Afrika vandeesweek aangekondig het dat hy die prys van tinplaatstaal met 79% gaan verhoog.
Graham Hayward, ’n woordvoerder van die verpakkingsmaatskappy Nampak, sê staal verteenwoordig die helfte van ’n blikkie se koste. Blikkies word meestal vir bier en koeldrank gebruik, asook vir ingemaakte vis, vrugte en groente.
Volgens ArcelorMittal SA sal hy "die pryse na ses maande heroorweeg, met ’n moontlike aanpassing in Oktober”.
