Die polisie het gewaarsku dat ’n nuwe kredietkaart-bedrogskema wat oorsee gebruik word, binnekort in Suid-Afrika kan kop uitsteek.
Bedrieërs programmeer glo betaalpuntmasjiene met sagteware wat die kaart se data aflees en bewaar.
Al trek jy dus self jou kaart in 'n winkel of restaurant deur die masjien, kan jou inligting steeds in kriminele hande beland.
Jerome Hardenberg van die polisie se kommersiële misdaadeenheid sê dit vat gewoonlik so agt maande vir neigings soos dié om te “migreer”.
