Inflasie het verlede maand tot 8.6% gestyg en sodoende die afwaartse tendens van 13.4% in Augustus 2008 tot 8.1% in Januarie 2009 omgekeer. Dié styging is ten spyte van ’n daling van 14% in die petrolprys gedurende die 12 maande tot Februarie.
Kospryse was ’n groot bron van inflasionêre druk, sê die jongste data wat Woensdag deur Statistiek SA vrygestel is.
Die koste van verwerkte voedsel het met 18.4% gestyg. Die kommerwekkendste was die prys van brood en graankosse wat met 23.8% gestyg het.
