‘n Groot hoeveelheid staatsdienswerkers word onder druk geplaas om te bedank omdat hulle by die nuwe politieke party, Cope, aangesluit het, glo die party.
Partywoordvoerder Philip Dexter sê daar is heelwat hoë profiel gevalle, insluitende sy eie, wat onder hul aandag gebring is, maar dat Cope se advies aan mense op laer vlakke in die staatsdiens is, om nie in te gee nie.
“Daar is wette wat mense beskerm teen hierdie soort intimidasie,” het hy gesê.
